პანდემიამ მრავალი ბიზნეს პროცესის ტრანსფორმაცია გამოიწვია, მათ შორის ადამიანური რესურსების მენეჯმენტის მიმართულებით. ახალ სინამდვილეში კომპანიებს მეტი მოტივაცია აქვთ ციფრული გადაწყვეტილებების გამოსაყენებლად, რათა ხელი შეუწყონ თანამშრომლების პროდუქტიულობასა და სახლიდან მუშაობის პროცესს.

კანდიდატების მოზიდვა, ინტერვიუების ჩატარება და უკუკავშირი შეხვედრებისა და პირისპირ კომუნიკაციის გარეშე ბევრ დაბრკოლებას ქმნის როგორც კანდიდატებისთვის, ასევე, მენეჯერებისთვის. ტექნოლოგიებისა დანერგვა და გამოყენება ამიერიდან არა შესაძლებლობა, არამედ აუცილებლობაა.

თანამედროვე ადამიანური რესურსების მენეჯმენტის სისტემები ეხმარება მენეჯერებს: 

• თანამშრომლების აყვანის პროცესში, ვაკანსიების განთავსებასა და მათი სტატუსების მარტივად მართვაში; 
• ახალი თანამშრომლების ინტეგრაციაში; 
• თანამშრომლების დატრენინგებაში, მიუხედავად იმისა თუ სად იმყოფებიან ისინი; 
• თანამშრომლების მიღწევების შეფასებაში და ინდივიდუალური გეგმის განვითარებაში; 
• გუნდურობის გაძლიერებაში გემიფიკაციის გამოყენებით. 

9 დეკემბერს თანამშრომლების მოზიდვის, ინტეგრაციის, მოტივაციისა და შეფასების ვებინარზე, სმარტ ბიზნეს ჯორჯიას კონსულტანტები მოგიყვებიან როგორ შეიძლება დავნერგოთ და განვაახლოთ ადამიანური რესურსების მართვის პროცესები ციფრული ტექნოლოგიების გამოყენებით.